F-1.az xatırladır ki, britaniyalılar 2015-ci ildən Honda ilə tərəfdaşlığa başlamış və ondan sonra podium belə qazana bilməmişdilər. Lakin Formula1-in ən köhnə ikinci komandası son qələbəsini 2012-ci ilin Braziliya Qran Prisində qazanıb. 2013-cü ildə podium üzünə həsrət qalan McLaren 2014-cü ilin Avstraliya yarışında Batton və Maqnussenlə dubl podium etmişdilər. Bu, komandanın hələki sonuncu podiumudur.
Zek Braun: “Qəribə bir mövsümü geridə qoyduq. Komandada bəzi dəyişikliklər edildi. Komandanın gələcəyinə inanmayan adamları göndərdik. Bu, uğur qazanmağımıza kömək edəcək. Çünki işlər çətinləşəndə hamının əsl potensialını görürsünüz. Hər şey yaxşı olanda komandada rahatlıq əmələ gəlir. Son illərdə komanda daha yaxşı vəziyyətə gəldi. Bu dövr bizi uğura acdırdı. Hamımız irəliyə doğru addımlar atmağa başladıq. Son 3 ildə Honda ilə uçurumdan atlandıq. Lakin geriləmə dövrümüz Mercedes-li dövrlərimizə təsadüf edir. Podiumlar qazansaq da, 2012-ci ildən sonra qələbəmiz olmayıb”.
