Bu gün cümə sərbəst yürüşlərində Yarno Trulli ikinci nəticə göstərib, amma o yeni Bridgestone sliklərinin yeyilməsi tempindən narahatlığını gizlətməyib…
Yarno Trulli: “Vəziyyət çox çətindir. Hər şeydən əvvəl, təkər tərkiblərindən heç biri bu trasa uyğun gəlmir, çünki yumşaq təkərlər çox yumşaqdır, bərk təkərlər isə çox bərkdir, ona görə də hər iki halda maşın özünü yaxşı aparmır.
Bərk təkərlər optimal işçi rejimə bir müddətdən sonra düşürlər, amma yumşaq təkərlər isə bir neçə dövrədən sonra sürətlə yeyilirlər.
Onların yeyilmə tempi adamı heyrətləndirir və belə təkərlərlə işləmək olduqca çətindir. Bir təkər tərkibindən digərinə keçdikdə bilmirsən ki, səni nə gözləyir, çünki maşının balansı tam dəyişir.”
