F-1.az xəbər verir ki, Yamaha komandasının sürücüsü Valentino Rossi sabahkı yarışa birinci yerdən başlayacaq. Titul uğrunda onun əsas rəqibi Mark Markes ondan bir neçə metr geridən start alacaq – Honda-nın sürücüsü Yamaha-nın digər sürücüsü Xorxe Lorensonu qabaqlayıb.
İspaniyalı sürücünün sıralanma turuna çıxması artıq qəhrəmanlıqdır – bir neçə saat əvvəl sərbəst yürüşlər zamanı yüksəks ürətlə hərəkət edən motosikletdən yıxılan Xorxe müayinə üçün hospitala göndərilmişdi. Həkimlər ciddi zədə tapmadıqları üçün sürücünü sıralanma truna buraxmışdılar.
Sıralanma turunun debütündə Mark Markes protokollara başçılıq edib. hətta növbəti dövrəsində öz nəticəsini bir qədər də yaxşılaşdırıb. Rossi ikinci nəticəyə imza atıb. amma növbəti dövrələrdə Lorenso ikinciliyə yüksəlib.
Növbəti dövrələr seriyasında Rossi zirvəyə yüksəlib və Markesin ilk cəhdindəki nəticəsini 0.18 saniyə yaxşılaşdırıb. Mark Doktorun arxasında olduğu üçün daha yaxşı sektor nəticələri ilə gedib. amma son döngələrin birində səhvə yol verib. xarici radiusa çıxıb və qiymətli vaxt itirib. Növbəti dövrəsində başqa bir döngədə səhvə yol verən ispaniyalı sürücü yenə də nəticəsini yaxşılaşdıra bilməyib.
Xorxe son dövrələrdə öz nəticəsini yaxşılaşdırsa da. Markesi üstələyə bilməyib. Sabah yarışda əsas mübarizə elə bu üçlük arasında gedəcək…
| Yer | Sürücü | Komanda | Zaman | Fərq |
| 1 |  Valentino Rossi |
Movistar Yamaha MotoGP | 1:43.954 | – |
| 2 |  Mark Markes |
Repsol Honda Team | 1:44.134 | + 0.180 |
| 3 | Xorxe Lorenso |
Movistar Yamaha MotoGP | 1:44.221 | + 0.267 |
| 4 | Andrea Dovitsiozo |
Ducati Team | 1:44.294 | + 0.340 |
| 5 |  Kəl Kratçlou |
LCR Honda | 1:44.402 | + 0.448 |
| 6 | Aleş Esparqaro |
Team Suzuki ECSTAR | 1:44.494 | + 0.540 |
| 7 | Maverik Vinyales |
Team Suzuki ECSTAR | 1:44.539 | + 0.585 |
| 8 | Hektor Barbera |
Ducati Team | 1:44.980 | + 1.026 |
| 9 | Pol Esparqaro |
Monster Yamaha Tech 3 | 1:45.232 | + 1.278 |
| 10 | Danilo Petruççi |
Octo Pramac Yakhnich | 1:45.782 | + 1.828 |
| 11 | Skott Reddinq |
Octo Pramac Yakhnich | 1:45.827 | + 1.873 |
| 12 | Alvaro Bautista |
Aprilia Racing Team Gresini | 1:45.614 | + 1.660 |
| 13 |  Ştefan Bradl |
Aprilia Racing Team Gresini | 1:45.823 | + 1.869 |
| 14 |  Cek Miller |
Estrella Galicia 0.0 Marc VDS | 1:46.347 | + 2.393 |
| 15 | Brədli Smit |
Monster Yamaha Tech 3 | 1:46.593 | + 2.639 |
| 16 |  Katsuyuki Nakasuqa |
Yamalube Yamaha Factory Racing | 1:46.627 | + 2.673 |
| 17 |  Yonni Hernandes |
Pull & Bear Aspar Team | 1:46.705 | + 2.751 |
| 18 | Tito Rabat |
Estrella Galicia 0.0 Marc VDS | 1:46.753 | + 2.799 |
| 19 |  Yucin Laverti |
Pull & Bear Aspar Team | 1:47.060 | + 3.106 |
| 20 |  Loris Baz |
Avintia Racing | 1:47.501 | + 3.547 |
| 21 | Mayk Cons |
Avintia Racing | 1:47.631 | + 3.677 |
| 22 | Hiroşi Aoyama |
Repsol Honda Team | 1:47.788 | + 3.834 |
