F-1.az bildirir ki, proqnozlar yaxın dəqiqələrdə havanın düzələcəyini vəd etmədiyi üçün heç kim boksları tərk etməyə tələsməyib. Startdan 5 dəqiqə sonra Maqnussen və Tsunoda yağış təkərləri ilə trasa çıxıblar, lakin nəticə göstərmədən geri qayıdıblar. Daha 10 dəqiqə sonra isə artıq trasa çıxan sürücülərin sayı artıb – bəziləri bir dövrə vuraraq qayıdıb, bəziləri isə bir az məsafə qət etmək qərarına gəlib.
Ferstappen yarım saatın sonunda keçid təkərlərdən istifadə edən ilk sürücü olub. Elə bu anda Latifinin çınqıllığa düşməsinə görə sarı bayraqlar peyda olub. Sürücü yoluna davam edə bilib.
Yağış dayanıb və tras qurumağa başlayıb. Sürücülər yaşıl təkərlərə keçməyə başlayıblar. Sürətlər tədricən artıb və daha uzun məsafələr qət edilib. Lekler və Rikkardo trasdan çıxsa da, ciddi bir şey baş verməyib.
Yekuna 15 dəqiqə qalmış yağış güclənib və hamı pit yoluna üz tutub. Son dəqiqələrdə bir sıra sürücülər yağış təkərlərlə yenidən cəhdlər etsələr də, nəticələrini yaxşılaşdıra bilməyiblər. Boksa qayıdan Şumaxer 7-ci döngədə idarəetməni itirərək qəza edib.
Protokollara Fernando Alonso başçılıq edib – 1:42.248. Məşqlər bir neçə saat sonra davam edəcək.
| Yer | N | Sürücü | Komanda | Zaman | Fərq | Dövrə |
| 1 | 14 | Fernando Alonso | Alpine | 1:42.248 | – | 7 |
| 2 | 55 | Karlos Sayns | Ferrari | 1:42.563 | + 0:00.315 | 15 |
| 3 | 16 | Şarl Lekler | Ferrari | 1:42.634 | + 0:00.386 | 16 |
| 4 | 31 | Esteban Okon | Alpine | 1:43.022 | + 0:00.774 | 5 |
| 5 | 20 | Kevin Maqnussen | Haas | 1:43.258 | + 0:01.010 | 15 |
| 6 | 1 | Maks Ferstappen | Red Bull | 1:43.362 | + 0:01.114 | 4 |
| 7 | 47 | Mik Şumaxer | Haas | 1:43.761 | + 0:01.513 | 13 |
| 8 | 4 | Lando Norris | McLaren | 1:43.889 | + 0:01.641 | 7 |
| 9 | 77 | Valtteri Bottas | Alfa Romeo | 1:43.969 | + 0:01.721 | 13 |
| 10 | 11 | Serxio Peres | Red Bull | 1:44.234 | + 0:01.986 | 4 |
| 11 | 24 | Quanyu Çjou | Alfa Romeo | 1:44.429 | + 0:02.181 | 15 |
| 12 | 3 | Daniel Rikkardo | McLaren | 1:44.486 | + 0:02.238 | 8 |
| 13 | 44 | Lyuis Həmilton | Mercedes | 1:44.558 | + 0:02.310 | 6 |
| 14 | 18 | Ləns Stroll | Aston Martin | 1:44.570 | + 0:02.322 | 10 |
| 15 | 23 | Aleksander Elbon | Williams | 1:44.791 | + 0:02.543 | 9 |
| 16 | 10 | Pyer Qasli | AlphaTauri | 1:44.878 | + 0:02.630 | 12 |
| 17 | 6 | Nikolas Latifi | Williams | 1:45.424 | + 0:03.176 | 11 |
| 18 | 63 | Corc Rassell | Mercedes | 1:46.103 | + 0:03.855 | 4 |
| 19 | 22 | Yuki Tsunoda | AlphaTauri | 1:46.192 | + 0:03.944 | 16 |
| 20 | 5 | Sebastyan Fettel | Aston Martin | 1:48.090 | + 0:05.842 | 8 |
