Mövsümöncəsi testlərin ilk sessiyası ekvatoru keçib, artıq iki gün arxada qalıb. Bu gün səhər hava bir qədər soyuqdur, cəmi +3 dərəcə istilik var, amma havanın gün ərzində qızması gözlənilir.
Komandaların çoxu bu gün sürücü dəyişikliyi edəcək. Mövsümdə ilk dəfə iki çempion – Sebastyan Fettel və Kimi Rəykkönen, eləcə də Esteban Qutyerres yeni maşınlarının sükanı arxasında debüt edəcəklər.
Bu gün trasda Sebastyan Fettel (Red Bull), Felipe Massa (Ferrari), Censon Batton (McLaren), Kimi Rəykkönen (Lotus), Niko Rosberq (Mercedes AMG), Esteban Qutyerres (Sauber), Pol di Resta və Ceyms Rossiter (Force İndia), Valtteri Bottas (Williams), Jan Erik Vern (Toro Rosso), Şarl Pik (Caterham) və Maks Çilton (Marussia) işləyəcəklər…
