F-1.az xatırladır ki, britaniyalılar 2014-cü və 2015-ci illərdə mühəndislər çempionatında 3-cü olmuşdular. Amma Williams bu mövsüm Mühəndislər Kubokunda 5-ci olub və komandanın gələn mövsümdən gözləntiləri böyükdür.
Kler Uilyams: “Sözün açığı, Force İndia ilə 4-cü yer uğrunda mübarizə aparacağımızı düşünmürdük. Bu isə o deməkdir ki, rəqiblərimiz çox yaxşı işlər gördükləri halda, biz yerimizdə saymışıq. Etiraf edirəm ki, əlimizdəki resurslardan düzgün istifadə etmədik. 2017-ci ildən əvvəl resursları ən yaxşı formada dəyərləndirəcəyik. Çatışmayan cəhətlərimizin üzərində işləyəcəyik və yenidən yüksək yerlər uğrunda mübarizə aparmağa çalışacayıq.
Yeni qaydaların belə vaxtda gəlməsi bizim üçün yaxşı oldu. İndi hamı sıfırdan başlayacaq və qaydaları daha tez anlayan komanda üstünlük qazanacaq. Biz də bu komandalardan biri olmaq üçün əlimizdən gələni edəcəyik”.