Melburnda karyerasında birinci dəfə podiuma yüksələn rusiyalı sürücü Vitaliy Petrov mətbuat konfransında mövsümün ilk yarışının yekunlarını şərh edib…
Vitaliy Petrov: “Əlbəttə, mən bura düşdüyüm üçün, bu oğlanlarla yanaşı oturduğum çox şadam. Biz mübarizəni davam etdirəcəyik. Mən o qədər adama təşəkkür etməliyəm ki – əlini üzməyib mənə inananlara, mövsümöncəsi testlərdə məhsuldar işləyən komandanın bütün əməkdaşlarına.
Biz birinci yarışa qədər peletonddakı yerimizi bilmirdik. Bura gələrkən ümid edirdik ki, maşın sürətli olacaq və bu, bazada işləyənlərin əməyinin nəticəsidir. Bir daha məni dəstəkləyən hər bir kəsə təşəkkür etmək istəyirəm.”
