F-1.az xatırladır ki, Hindistan təmsilçisi daha az büdcə ilə son iki mövsümdə 4-cü ola bilib. Lakin 3-cü yer uğrunda mübarizə aparmaq elə də asan görünmür.
Vicey Malya: “Hazırda ilk 3 komanda ilə aramızda çox fərq var. Amma orta qrupun ən güclüsü olduğumuz üçün qürur duyuram. Güclü istehsalçılara qarşı yarışırıq və büdcəmizə baxanda hədəflərimizi real düşünərək qoymalıyıq. Buna görə də gördüyümüz işdən razıyam, lakin daha yaxşı nəticələr və podiumlar üçün çox istəkliyəm. Növbəti hədəf yerimizi qoruyaraq öndəki komandalarla fərqi bağlamaqdır. Mercedes və Ferrari kimi büdcəmiz yoxdur. İstehsalçı komandalara mükafat olaraq daha çox pul verilir. Buna görə də müstəqil komandalarla fərq daha da çoxalır. Bu hal idmanın sağlamlığına ziyan vurur. Balanslı pul mükafatları daha yaxşı mübarizənin açarıdır. Bu həll olunana qədər müstəqil komandaların qələbə uğrunda mübarizə aparmaları mümkünsüzdür”.
