F-1.az xatırladır ki, keçən il ilk cərgədən Ferrari sürücüləri start alsalar da, finlandiyalı sürücü ilk döngələrdə rəqiblərini qabaqlayaraq liderliyə yüksəlmişdi. Ona görə də Valtteri sabahkı yarışın startında mövqeyini qorumağın nə dərəcədə çətin olmasını başa düşür…
Valtteri Bottas: “Sıralanmanın sonunda əla dövrə vurdum və sürətimi artırdım. Bilmirəm ki, Lyuisə nə oldu, amma əminəm ki, nəticəm birinciliyə kifayət etməli idi.
Özümü yaxşı hiss edirəm, çox şadam, amma bu hələ həftəsonunu uğurla başa vurmaq üçün ilk addımdır. Startdan ikinci döngəyədək çox uzun bir məsafə var, ona görə də mövqeyimi qorumağım olduqca vacib olacaq…”
