F-1.az xatırladır ki, finlandiyalı sürücü La Source döngəsinə girərkən Sirotkinə arxadan çırpılıb və buna görə də ön qanadını zədələyib.
Lakin Bottas təhlükəsizlik avtomobilinin trasa girməsindən maksimum istifadə edərək pitə gəlib və ön qanadını dəyişib. 29 yaşlı sürücü yarış ərzində mükəmməl performans göstərərək, finiş xəttini 4-cü yerdə bitirə bilib.
Yarışdan sonra insidenti araşdıran stüardlar Bottasın nəticəsinə 5 saniyə, lisenziyasına isə 2 cəza balı əlavə ediblər. Lakin finlandiyalı sürücü rəqibi Peresdən 11 saniyə öndə olduğu üçün 4-cü yerini itirməyib.
