F-1.az xatırladır ki, bu mövsüm komandanın aktivində cəmi 2 xal var və onları son iki yarışı da onuncu yerdə başa vuran çinli sürücü əldə edib.
Yuki Tsunoda: “Bakıdakı yarış çətin oldu, amma mən Mayamiyə yaxşı əhval-ruhiyyə ilə gedirəm. Çünki bir çox irəliləyiş əlamətlərini görmüşük. Bisterdə hazırlanan maşının yenilikləri bizim sürətimizi artırdı, yeniliklər işlədi.
Azərbaycandakı mərhələnin ən xoş epizodu təsnifat mərhələsində səkkizinci yer tutmaq oldu. Xal qazanmaq əla idi, amma daha çoxuna ümid edirdim. Bundan əlavə, mən aerobatikadan və gərgin sprint həftəsonunun müxtəlif çətinliklərinin öhdəsindən necə gəldiyimdən məmnunam.
Keçən il Mayamidə sıralanma turunda finala çıxmışdım və o trası çox sevirəm. Tribunalarda xüsusi ab-hava hökm sürür və amerikalı azarkeşləri ruh yüksəkliyi bürüyür. Təxminən keçən ilki mərhələdə yadımdadır ki, güclü istilik və yüksək rütubət var idi, ona görə də yarış fiziki cəhətdən çətin keçdi. Keçən il belə hava gözləmirdim, amma bu dəfə yaxşı hazırlaşdım.
Mayamidəki yarışdan əvvəl simulyatorda çox işləmişəm. Trasın bəzi hissələri Bakını xatırladır, ona görə də ümid edirəm ki, biz yaxşı tempi davam etdirəcəyik və irəliləməyi dayandırmayacağıq”.
