F-1.az xatırladır ki, Toro Rosso komandası çəkiliş günündə mühərriklə bağlı problem yaşamışdı. İtalyanlar bazar günü edəcəyi təqdimatın vaxtını 90 dəqiqə təxirə salıblar. Beləliklə, təqdimat Kataloniya trasında yerli vaxtla 18:00-da, Bakı vaxtı ilə 21:00-da başlayacaq.
Toro Rosso komandasının mətbuat katibi bu barədə belə danışıb: “Bizdən asılı olmayan səbəblərə görə təqdimatı 90 dəqiqə təxirə saldıq. Yer dəyişməyəcək. Barselona trasında, boksumuzun önündə təqdim edəcəyik. Qalan hər şey başlanğıc saatına görə formalaşacaq”.
