F-1.az xəbər verir ki, Toro Rosso komandası çərşənbə günü 2016-cı il mövsümü üçün hazırladığı STR11-in çarpma testlərini başa vurub. Gələn məlumatlara görə, italyan komandası bu testlərdə Mercedes tərzi qısa qanaddan istifadə edib.
Bildiyiniz kimi, Toro Rosso bu ildən etibarən Ferrari-nin güc qurğularından istifadə edəcək. Ona görə də bolidin oxları arasındakı məsafə böyüdülməlidir. Bu da o deməkdir ki, bolidin şassisində dəyişikliklər olacaq.
Komandanın hollandiyalı sürücüsü Maks Ferstappen keçən həftə müsahibəsində bildirib ki, Ferrari mühərrikləri onlara 1 saniyə qazandıracaq.
2016-cı ildə Red Bull komandası isə Renault mühərrikləri ilə yarışmağa davam edəcək. Amma avstriyalıların kiçik qardaşı Toro Rosso daha güclü Ferrari mühərrikləri ilə yarışacaq. Ona görə də indidən əksər F1 fanı üçün ən maraqlı məqamlardan biri Red Bull-Toro Rosso qarşıdurması olacaq. Kim qalib gələcək? Red Bull ya onun kiçik qardaşı Toro Rosso?
