F-1.az xatırladır ki, Niko Rosberq Mercedes komandasına 2010-cu ildə qoşulub və almaniyalının müqaviləsi bu ilin sonunda bitəcək.
Toto Volff: “Rosberqin hazırkı performansına görə bəlkə də tələsməliyik. Müqavilə həmişə ikitərəfli olur və hər şey götür-qoy edildikdən sonra imzalanmalıdır. Hazırda hər şey bizim nəzarətimizdədir.
Rosberq uzun müddətdir ki, Mercedes ailəsinin vacib bir üzvüdür və əla performans göstərir. Buna görə də düşünürəm ki, onunla yenidən müqavilə bağlamaq üçün heç bir əngəl yoxdur, amma detallara baxmalıyıq.
Sözün düzü, bu əvvəl-axır məlum olmalıdır, amma hər iki tərəf də bu mövzuda çox rahatdır”.
