F-1.az xatırladır ki, ilin sonunda Fettelin, Alonsonun, Saynsın və Rəykkönenin komandaları olan müqavilələri sona çatacaq. Buna görə də Mercedes Bottasla birillik müqavilə bağlayıb.
Toto Volff: “Əgər onun istedadına şübhəmiz olsaydı, Valtterini transfer etməzdik. Amma hazırda sürücü bazarında qarışıqlıq var. Gələn il üçün Sebastyan, Fernando və Valtteri kimi alternativlər çoxdur.
Valtteriyə inanırıq və güvənirik. O uzun illər bizimlə qala bilər. Görək nə olur”.
Toto Volff bildirib ki, Massanın maaşınım bir hissəsini Mercedes verib: “Bəzən istədiyinizi almaq üçün xərc çəkməlisiniz. Kler atası kimi çox istedadlı rəhbərdir, alver etməyi də atasından öyrənib. Sadəcə iş barədə danışmadıq. Məsələn, Williams komandasının təcrübəli sürücüyə ehtiyacı var idi və Massa qayıtmalı idi. Felipenin qayıtması üçün maddi cəhətdən kömək etdik. İndi hamımız xoşbəxtik”.
