F-1.az xatırladır ki, Valtteri Bottas bu il 11 yarışda 6 dəfə podiuma yüksəlsə də, əksəriyyət onun performansından narazıdır. Bəzi iddialara görə finlandiyalı sürücü Mercedes-də son mövsümünü keçirir və növbəti mövsümdə onu gənc Corc Rassell əvəz edəcək.
Toto Volff: “Məncə, Bottas barədə pis söz demək doğru olmaz. Monakoda ikinci yeri tutmalı idi, amma doğrudan da bəxti gətirmədi. Onu məyus etdik. Əgər komanda yoldaşınız 7 qat Dünya Çempionudursa və 100 yarış qazanıbsa, işiniz çətindir. Valtteri əsl komanda oyunçusudur. O, çoxlu yarış qazanıb və 53 podium qazanıb. Bu, vacib statistikadır”.
