F-1.az xatırladır ki, Mercedes-in baş strateqi Ceyms Vavls komandaya yeni başçı təyin olunub, amma vəzifəsinin icrasına hələ iki həftə sonra başlayacaq, ona görə də dünən yeni FW45-in təqdimatında iştirak etməyib.
Təbii ki, bütün bu dəyişikliklər mövsümə hazırlıq prosesinə təsir edib, lakin komandanın idman direktoru Sven Smits bu vəziyyəti “nəzarət və idarə olunan xaos” adlandırıb və ciddi problemlərin qarşısının alındığını, ona görə də hər şeyin qaydasında davam etdiyini açıqlayıb.
Sven Smits: “Mən bunu idarə olunan xaos adlandırardım. Təbii ki, bizim ixtiyarımızda hələ bir həftə var – planlaşdırılmış çəkiliş günümüz var, ona görə də maşının ilkin buraxılışı olacaq və testlər başlamazdan əvvəl Bəhreyndə daha bir çəkiliş günü keçirəcəyik. Bu vaxtdan müxtəlif komponentləri, mühərriki və s. yoxlamaq üçün istifadə edirik.
Ona görə də inanıram ki, Bəhreyndə işə yaxşı hazırlaşa biləcəyik. FW45 mənim iştirak etdiyim ikinci boliddir və indi mövsümün başlamasına bir neçə həftə qalmış komandaya qoşulduğum keçən illə müqayisədə bütün prosesə tamamilə fərqli şəkildə baxıram.
Amma indi çox işimiz var, hamı tam səylə işləyir, çünki artıq Bəhreyndə keçiriləcək yarış üçün biz kifayət qədər ehtiyat hissələri bazası yaratmaq istəyirik. Amma görünür, bir il əvvəl bizim üçün daha asan idi, o mənada ki, biz əvvəlcə Barselonada test keçirdik, bir neçə həftə sonra isə Bəhreyndə ikinci testlərə getdik”.
