F-1.az xəbər verir ki, Beyond the Grid podkastında Haas-ın başçısı Günter Ştayner etiraf edib ki, hətta zəngin təqvimlə də işçi heyətini artırmaq imkanları yoxdur.
Günter Ştayner: “Bir çox komandaların rəhbərləri çox varlı insanlardır. Mərhələlərə gəlməməyi özlərinə rəva bilirlər, çünki onlar üçün çalışan çoxlu insan var. Amma şəxsən mən yarışa gəlməyi çox sevirəm. Bu, mənim sevimli işimdir!
Ümid edirəm ki, bu mövsüm 24 yarışın hamısına gələcəm. Təbii ki, hər kəs xəstələnə bilər, başqa bir şey ola bilər, amma inanıram ki, hər şey düzələcək.
Mövsüm ərzində kadr rotasiyası? Bütün komandanın daimi rotasiyası ilə bağlı planlarımız yoxdur. Bəzi insanlar dəyişəcək, amma əsas heyət, mexaniklər və mühəndislər həmişə eyni olacaq”.
