Qurumaqda olan tras. Buludlu. Havanın temperaturu +28°-29° C, trasın temperaturu +26°-29° C

Günorta Sinqapurda yağış yağıb, amma sərbəst yürüşlərin başlanmasına kimi asfalt quruyub, lakin sürücülər trasa yağış və keçid təkərlərlə çıxıblar. Yarım saat sonra Lyuis Həmilton birinci olaraq sliklərə keçib – amma asfalt nəm olduğu üçün boksa qayıtmalı olub. Yalnız sessiyanın sonunda sürücülər quru təkərlərlə işləyə biliblər.

Ma Sin Hua yenə də HRT-də Narain Kartikeyanı əvəz edib. Sessiya ciddi insidentsiz ötüşüb – protokollara Sebastyan Fettel başçılıq edib…

Nəticələr belə olub:

Quru. Axşam. Havanın temperaturu +31° C, trasın temperaturu +34° C

Sərbəst yürüşlərin ilk sessiyasının startı yarım saat təxirə salınıb: Porsche Carrera Cup Asia seriyasının maşınlarının trasda yürüşündən sonra bəzi sahələrdə plastik porebriklər zədələnmişdi. Nəticədə 3-cü və 14-cü döngələrdə porebrikləri söküblər, sessiyanın müddəti isə qsaldılıb.

Bir çox komandalar mövsümdə son yeniliklərini məhz Sinqapura gətiriblər – artıq bütün diqqəti növbəti mövsümə keçirmək vaxtıdır, amma yenilikləri tam yoxlamağa vaxt çatmayıb.

Narain Kartikeyan Hispania komandasında Vitantonio Liutsini əvəz edib, digər komandalar əsas sürücülərlə işləməyə üstünlük veriblər.

Sessiyanın ortasında Mark Uebber Timo Qlokun maşınına ilişib, ön antiqanadını zədələyib – hər iki sürücü boksa qayıdıb, amma Qlok bir də trasa çıxmayıb.

Bir neçə dəqiqədən sonra sessiya qırmızı bayraqlarla dayandırılıb – Heykki Kovalaynenin maşınında ön sağ təkərin karbon əyləcləri alovlanıb: keçən il Heykki maşınını özü söndürmüşdü, amma bu dəfə yanğınsöndürənlər operativ işləyiblər.

Sessiyanın sonuna 8 dəqiqə qalmış 7-ci döngədə porebriklərlə problem üzə çıxıb – Felipe Massa boşalmış boltun üzərindən keçərkən maşının altlığını zədələyib.

Protokollara isə Lyuis Həmilton başçılıq edib – britaniyalı sürücü Sebastyan Fetteli yarım saniyə qabaqlayıb…

Nəticələr belə olub: