Sinqapur-2023: Ferrari sürücüləri cümə günü hamıdan güclü olublar

F-1.az xəbər verir ki, fasilədən sonra trasın vəziyyəti yaxşılaşıb, əyləc zonalarında asfalt işlənmiş rezinlə örtülüb ki, bu da sürətə müsbət təsir edib.

Red Bull Peresin maşınına yeni altlıq quraşdırıb – Ferstappen bu altlığı ilk məşqlərdə sınaqdan keçirib – mühəndislər üçün sürücülərin hisslərini və maşının səmərəliliyinə təsirini müqayisə etmək vacib olub. Alpine komandası da yeni elementləri sınaqdan keçirib.

Əlbon güc qurğusunun qüvvə itirməsindən şikayətlənib, pitə qayıdıb, maşını mexaniklərə verib və bir daha trasa çıxmayıb.

Ferstappenə trasla mexaniki ilişmə çatışmayıb, Peres mühəndisə bolidi divara vurmaq üzrə olduğunu, arxa hissəsinin o qədər qeyri-sabit olduğunu söyləyib – Sinqapur treki çox spesifikdir. Maqnussen və Stroll maşınlar üçün heç bir zərər olmadan arxa təkərləri ilə baryerlərə toxunublar.

Günün ikinci yarısında olduğu kimi, yüksək mövqeləri Ferrari sürücüləri tutublar, lakin fərqli ardıcıllıqla – bu dəfə Sayns birinci, Leklerk isə ikinci olub. Qüvvələr nisbəti çox maraqlı alınıb.