F-1.az federasiyanın rəsmi saytına istinadən bildirir ki, Marina Bey trasının uzunluğu 2 metr qısalaraq 5063 metr olub. Buna səbəb isə trasın konfiqurasiyasının 16-cı və 17-ci döngələr arasında dəyişməsidir: yaxınlıqdakı tikinti üzündən tribuna bir qədər irəli çəkilib. Yarış əvvəlki kimi 61 dövrədən ibarət olacaq, düzdür, 2 saatlıq limiti aşmamaq şərtilə.
Bundan başqa, təşkilatçılar 1-ci və 23-cü döngələrdə, 5-ci və 7-ci döngələr arasında, eləcə də 15-ci və 17-ci döngələr arasında asfalt örtüyünü yeniləyiblər.
Ötmə (DRS) zonaları dəyişməyib – birinci zonanın deteksiya nöqtəsi 4-cü döngənin çıxışında, aktivasiya nöqtəsi isə 5-ci döngədən 53 metr sonra yerləşir. İkinci zonanın deteksiya nöqtəsi 22-ci döngənin apeksinə 180 metr qalmış, aktivasiya nöqtəsi isə 23-cü döngədən 48 metr sonra yerləşir.
