Braziliyada Sebastyen Buemi növbəti dəfə ilk səkkizliyə düşüb və iki xal toplayıb, amma sürücü və onun komandası etiraf ediblər ki, bu uik-end daha yaxşı nəticəyə ümid edirlərmiş…
Sebastyen Buemi: “Yarış asan olmadı. Hər dövrədə hücum etməli idim, amma nəticədə Çin Qran Prisindən sonra ilk dəfə olaraq xal toplaya bildim – bu həm mənim üçün, həm də bu gün əla işləmiş komanda üçün yaxşı nəticədir.
Start çox gərgin alındı: birinci döngədə mən Kubitsa və Rosberqin arasına düşdüm və onlar, təəssüf ki, dərhal irəli çıxdılar. Hərçənd, yarışda biz istənilən halda sürətli deyildik – telemetriyaya baxıb səbəbini öyrənmək lazımdır.
Qarışıq hisslərim var: cümə sərbəst yürüşlərindən sonra mən ilk beşliyə düşməyə ümid edirdim, ona görə də bugünkü mövqeyim mənim ümidlərimi doğrultmadı. Səbirsizliklə Abu Dabi yarışını gözləyirəm – mövsümü yaxşı başa vurmaq lazımdır.”
