Sauber komandasının sahibi Sauber Motorsport AG şirkətinin mətbuat xidməti Rusiyanın bir neçə təşkilatı ilə tərəfdaşlıq müqaviləsi imzaladığını elan edib – Sərmayə Əməkdaşlığı Beynəlxalq Fondu, Rusiya Federasiyasının Şimal-qərbinin Dövlət İnkişaf Fondu və Aviasiya Texnologiyaları Milli İnstitutu Sauber komandasını maliyyə böhranından çıxarmağa çalışacaqlar.
Əməkdaşlığı məqsədi Formula1-in Rusiyada populyarlaşması və yüksək texnoloji elementlərin birgə hazırlanmasıdır. Məqsədlərdən biri də qarşıdakı Rusiya Qran Prisinin tanıdılmasıdır, eyni zamanda, istedadlı rusiyalı sürücülərin Formula1-ə gətirilməsidir. Əsas diqqət Sergey Sirotkinin 2014-cü ildə Formula1-də debüt etməsinə hazırlığa ayrılacaq.
