F-1.az xatırladır ki, meksikalı sürücü Bakıda keçirilən ilk yarışda podiuma yüksəlmişdi. 2017-ci ildəki yarışda da 3-cü yerdə gedərkən, komanda yoldaşı Okon ona təmas etmiş və Peres yarışda xalsız qalmışdı.
Serxio Peres: “Bakı yarışı elə bil dünən keçirilmişdi. Belə hiss etməyimizin səbəbi yarışın təqvimdə yerinin dəyişməsidir. Bu trasın böyük şan-şöhtəti var və 2016-cı ildə orada yaxşı xatirələrim olmuşdu. Buna görə də bu il hədəfim çox xal qazanmaqdır. İlk yarışlar mənim üçün pis keçdi. Xüsusən də, Bəhreyndə bəxtim gətirmədi. Lakin bəzən belə hallar ola bilər. Çindəki yarış çox məyusedici idi. Çünki ilk dövrədə hər şeyi itirdim. Sürətli olsaq da, yarışda işə yaramadı. Melburndan sonra inkişaf etmişik. Bakı maraqlı olacaq, çünki hər düzlük sürətindən və əylənmədən asılıdır. Şəhər tipli traslların çətinliklərini sevirəm. Bakıda sürməkdən həzz alıram”.
