F-1.az xatırladır ki, monakolu sürücü dünənki sıralanma turunda bolidin arxa tərəfi ilə bağlı problem yaşamış və 19-cu yeri tutmuşdu. Komanda bütün gecə yatmayaraq, bolidi başdan-ayağa təhlil edib. Onlar bütün detalları yarışdan sonra Maranelliya göndərməyi planlaşdırırlar.
Komanda böhranı fürsətə çevirir. Lekler onsuz da yarışa gerilərdən başlayacaq və buna görə maşında bəzi detallar dəyişiləcək.
Ferrari-dən Cok Klia bu barədə məlumat verib: “Ötürmələr qutusunu, daha doğrusu maşının arxa tərəfini tamamilə dəyişdirdik. Məqsədimiz problemin olmayacağına əmin olmaqdır”.
Beləliklə, bu dəyişikliklərdən sonra Şarl Lekler yarışa pit yolundan başlayacaq.
