F-1.az xatırladır ki, almaniyalı sürücü yarışa 3-cü yerdən başlasa da, startda Bottası keçərək ikinci yerə yüksəlib. Amma Okonun mübarizəni dayandırması ilə başlayan virtual təhlükəsizlik maşını zamanı pitə gələn Fettel 4-cü yerə düşüb.
Sebastyan Fettel: “Sözün açığı, pitə girməmək kimi şansımız yox idi. Həftəsonu ərzində təkərlərə rəqiblərimiz kimi nəzarət edə bilmədik və təkərləri onlara nisbətən tez yeyirdik. Kənardan etdiyimiz səhv kimi görünə bilər, amma həmin an ən doğru addım o idi. Bunu artıq dəyişə bilmərik. Buradakı təkərlər fərqli idi. Dəyişiklik olmasa, nəticə necə olardı bilmirəm. Ancaq bu hal bizə daha pis təsir etdi. Ümumilikdə gözəl həftəsonu idi. Lakin təkərləri anlamalıyıq. Bu təkərlərdən Pol Rikar və Silverstounda da istifadə edəcəyik”.
