S.Abitebul: “Kubitsa İtaliyada çıxış etməyəcək!

F-1.az xatırladır ki, polşalı sürücü 2011-ci ildə rallidə qəza edərək, biləyindən ciddi xəsarət almış və ondan sonra bir də Formula1 bolidi sürə bilməmişdi. 32 yaşlı sürücü 2 həftə əvvəl Valensiyada Lotus-un 2012-ci il bolidi E20 ilə testlər edərək, 115 dövrə vurmuşdu. Bundan sonra Formula1 ictimaiyyəti Kubitsanın İtaliyada birinci sərbəst yürüşlərdə çıxacağı ilə bağlı şayiələr yaysa da, Siril Abitebul bu iddiaları təkzib edib: “Qətiliklə yox! Bu xəbərlərin haradan çıxdığını bilmirəm və onları tamamilə silə bilərəm. Kubitsa bizim ailənin bir üzvüdür. O, bizim komandaya çox yaxın və sadiqdir. İnsanlara təsir etdi. İnsanlar da ona çox sadiqdirlər və hələ də düşünürlər ki, ona nəsə borcları var. Bizim bir bolidimiz var idi və biz də Kubitsaya şans verdik. Kubitsa potensialını anlamaq üçün fərqli proqramlarda işləyir. Formula E, GP3, GP2, LMP2 olmaqla, bir neçə avtomobil sürdü. Hazırda bu istiqamətdə heç nə planlaşdırmırıq”.