F-1.az xatırladır ki, gələn il hər sürücü 3 güc qurğusundan istifadə edə biləcək və bu limiti keçdikdən sonra cəzalar tətbiq ediləcək. Bu isə o deməkdir ki, bir güc qurğusu 7 yarışı başa vurmalıdır.
Siril Abitebul: “Etibarlılıq əsasdır. Bu il öyrəndik ki, qaçmamışdan əvvəl gəzməyi öyrənməlisiniz. Məncə, əksər hallarda çox aqressiv idik və əlavə performansı daha əvvəl əldə etməyə çalışdıq. Məncə, addım-addım getməliyik. Əvvəlcə etibarlı olmalı və qış testlərində daha çox məsafə qət etməliyik. Bu, şassi üçün də vacibdir. Etibarlı olsaq, Mercedes-i məğlub edə bilərik”.
