Kölndə dərc olunan Express qəzeti bu gün Ralf Şumaherin yanvarın 18-də Avstriyanın dağ-xizək kurortunda yıxılaraq zədələndiyi barədə yazıb. Zədə çox ciddi olub, amma sürücü bu barədə heç kimə bildirməyib, çünki onun Formula1-ə qayıtması və Stefan GP komandası ilə danışıqları barədə xəbərlər peyda olub.
Zədə barədə Visbadendə Ralf az qala pilləkənadan yıxılarkən məlum olub – onu həndbolçu Kurt Hluspis tutub: “Mən hiss etdim ki, arxada kiminsə ayağı büdrədi – bu Ralf idi. Mən onu tutdum, amma çiynindən tutdum, o kəskin ağrı hiss etdi. Ralf mənə təşəkkür etdi və dedi ki, hər halda bu ağrı pilləkandan yıxılmaqdan yaxşıdır.”
İdman cərrahına istinadən Express yazır ki, zədənin nəticələri ciddi olmaya bilər, amma bu nəticələri aradam qaldırmaq üçün əməliyyat zəruri ola bilər…
