Mövsümün gedişində testlər qadağan edilib və gənc sürücünü yoxlamağın yeganə yolu onu əsas maşının sükanı arxasına otuzdurmaqdır. Əlbəttə, titul uğrunda mübarizə aparan komandalar bu metoddan istifadə edə bilməzlər, çünki vacib xalların itirilməsi şansı böyükdür, amma mövsümün ikinci yarısında bəzi komandalarda yeni sürücülərin debüt etməsi istisna deyil.
Biz artıq alman yarışının Sebastyen Burdenin karyerasının davamında həlledici yarış olması barədə gəzən şayiələrdən yazmışdıq, bu gün isə Nürburqrinqdə daha bir şayiə yayılıb: Macarıstanda Nelsinyo Pikeni Roman Qrojan əvəz edə bilər. Fernando Alonsonun Ferrari-yə keçməsi barədə gəzən söz-söhbətlərin fonunda belə bir əvəzləmə mümkün ola bilər…
