F-1.az xəbər verir ki, cümə gününü 10.8 saniyə üstünlüklə başa vuran sonuncu dünya çempionu Kalle Rovanpera bu dəfə rəqiblərinə heç bir şans verməyib. Günün 5 dopunda birinci olan Toyota-nın gənc sürücüsü şənbəni 57.5 saniyəlik fərqlə bağlayıb.
Finlandiyalı sürücü günün sonunda ehtiyat etdiyindən 2 dopda qələbəni ralli əsas rəqibi Dani Sordo qazanıb. Hyundai-nin veteran sürücüsü bazar günü qələbə uğrunda deyil, məhz yerini qorumağa çalışacaq.
Cümə günü podiumun son pilləsi uğrunda mübarizə aparan 3 sürücüdən biri – Pyer Luis Lube nasazlıq üzündən rallini dayandırmalı olub. Hyundai-nin digər iki sürücüsü Tyerri Növill və Esapekka Lappi isə bir-birini ruhlandıraraq komanda yoldaşları Sordoya çatıblar. Sordo hazırda bu cütlüyü 11 saniyə qabaqlayır – Tyerri və Esapekka arasında isə 2.3 saniyə fərq var.
Qarşıdakı sürücülərin problemləri sayəsində Ford-dan rallidə qalan yeganə sürücü Ott Tənak 5-ci yerə yüksəlib. Estoniyalı dünya çempionu podiuma bir dəqiqədən çox uduzur, ona görə də böyük ehtimalla bazar günü sonuncu bonus mərhələni qazanmağa çalışacaq.
Bazar günü ralli 4 dopla başa çatacaq…
