F-1.az xatırladır ki, Sayns fransız komandasına birillik icarə əsasında gəlmişdi. Buna görə də Renault komandası ispaniyalı sürücünün ayrılma ehtimalına görə Okonla maraqlanır.
Siril Abitebul: “Hələ qərar verməmişik. Bir neçə alternativimiz var. Bunlardan biri Karlosun bizimlə qalmasıdır, amma hər şey Red Bull-un əlindədir. Biz əvvəlcə Okonun menecerləri ilə, sonra isə Toto Volffla danışıqlar apardıq. Yay tətilində də danışıqlar davam edəcək. Bu, Karlosa da aiddir. Belçika yarışına qədər qərar verəcəyik”.
