Kevin Maqnussen oktyabr ayının əvvəlində bitən müqaviləsi haqqında qərar vermək üçün Renault-nun bir az vaxt istədiyini açıqlayıb. Gələn il komandada yarışacaq pilotların adları bəlli olmasa da, böyük ehtimalla komanda pilotlar haqqında açıqlamanı oktyabr ayının ortalarında edəcək. Komanda hazırda Maqnussen və Palmerin də daxil olduğu böyük bir siyahı arasında qərar verməyə çalışır.
Serxio Peres Force İndia ilə olan müqaviləsini yeniləməzdən əvvəl onun da Renault-ya keçəcəyi gözlənilirdi. Hazırda isə Peres variantı ortadan qalxıb. Bu il debüt etmiş Esteban Okonun da Renault-da yarışa biləcəyi haqqında söz-söhbətlər var.
