F-1.az xəbər verir ki, Red Bull komandası yeni maşını RB12-nin rəng çalarlarının təqdimetmə mərasimini keçirib.
Xatırladaq ki, 2011-ci ildən bəri titul sponsoru olan İnfiniti ilə ayrılan komanda uzun illər McLaren-lə işləyən TAG Heuer ilə müqavilə bağlamışdı. Bolidin kokpitdən arxa hissəsində bu markanın logotipi əks olunub. Komanda eyni zamanda Casio ilə də yollarını ayırıb və Puma ilə uzunmüddətli müqavilə bağlayıb.
Yeni dizaynda pantonların üzərində İnfiniti əvəzinə böyük hərflərə Red Bull yazıldığını görürük.
Komanda yeni bolidini mövsümöncösi testlərin ilk günündə – fevralın 22-də Barselonada təqdim edəcək.
