Mayın 25-də saat 20:00-da Bakının Azadlıq meydanında Azərbaycanın idman tarixində nadir hadisə baş verəcək və fristayl motokros aləmində ən möhtəşəm şou – Red Bull X-Fighters Jams keçiriləcək.
Red Bull X-Fighters Jams – məşhur idmançıların, dünyanın ən yaxşı rayderlərinin iştirakı ilə əlamətdar çıxışlar silsiləsidir və Red Bull X-Fighters motofristayl üzrə ən nüfuzlu dünya turnirinə dəstək məqsədilə keçirilir.
Bakı inqilabın şahidi olacaq – Yerin cazibə qanununa qarşı olan inqilabın. Motofristaylın dünya ulduzları Azadlıq meydanında göy üzərində başgicəlləndirici, dəlisov tryuklar edərək səmalara uçacaqlar! Red Bull X-Fighters Jams – tamamilə yeni bir tamaşadır ki, ölkəmizin sakinləri bu günə qədər belə tamaşanı yalnız televizor ekranlarında izləyiblər.
Azərbaycan sakinlərini valeh etməyə gələn dünya məşhurları: Aleksey Kolesnikov (Rusiya), Daniel Bodin (İsveç), İvan Zukkoni (İtaliya) və Vanni Odder (İtaliya).
Rayderlərin çıxışları xüsusi quraşdırılmış üç metrlik hündürlüyü olan tramplində keçirilir, burada moto-ekstremallar 10 metrlik hündürlüyə qalxacaq və bununla yanaşı 100 kiloqramlıq motosikletləri mütləq dəqiqliklə idarə edərək məharətlərini göstərəcəklər.
Gördüklərinizə zəmanət verilir: inanılmaz qızğın ehtiraslar, batmış səslər və güclü emosiyalar!
Məlumat:
Red Bull X-Fighters Jams – artıq 10 il ardıcıl olaraq motosportda ən möhtəşəm tamaşa sayılan fristayl-motokros üzrə Red Bull X-Fighters beynəlxalq yarışların “demo-versiya”sıdır.
Aleksey Kolesnikov – 28 yaşlı rayder, Rusiyada FMX-in banisidir. Məhz o, ilk dəfə backflip (arxaya salto) edib. Bu gün Aleksey Kolesnikov və yaxud həmkarlarının dediyi kimi “Kalaşnikov” planetin ən yaxşı 20 top-rayderlərinin siyahısına daxildir.
Daniel Bodin – xarizmatik skandinav, motosikletlə ustalıqla rəftar edir və İsveçdə bir çox yarışmaların qalibidir, Moskvada və dünyanın bir çox şəhərlərində Red Bull X-Fighters Exhibition şousunun iştirakçısıdır.