Williams komandasının veteran sürücüsü Rubens Barrikelo mövsümün ilk yarışını onuncu yerdə başa vurub və yeni xal hesablanma sisteminə görə, bir xal qazanıb. Yarışdan sonra braziliyalı sürücü etiraf edib ki, komanda bu xala layiqdir…
Rubens Barrikello: “Yaxşı ki, bir xal qazana bildik. Amma bu yarışdan əvvəl bizim ümidlərimiz böyük idi. Ona görə də daha aktiv olmalıyıq, maşını təkmilləşdirməliyik, bizim idmanda rəqabət yüksəkdir, məni qabaqlayan top-komandaların sürücülərindən heç biri yarışdan kənar qalmadı. Məncə, biz layiq olduğumuz yeri tutmuşuq, liderlərdən geri qalırıq, bu fərqi aradan qaldırmaq lazımdır.”
