F-1.az Marca-ya istinadən xəbər verir ki, Roberto Merhi 2016-cı ildə Renault-nun test pilotu ola bilər.
Roberto Merhi: “Karyeramı Formula1-də davam etdirmək üçün müxtəlif seçim şanslarım var. Hər şey bir neçə gündə dəyişə bilər. Bu həftə ərzində sizə müsbət xəbərlər vermək istəyirəm.
24 yaşlı pilot eyni zamanda Manor-la yenidən müqavilə bağlamaq üçün çalışır. Ondan başqa, komandanın pilotu olmaq uğrunda Stivens, Rossi, Haryanto və Verlyayn da mübarizə aparır.
Qeyd edək ki, Merhi Formula1-də Manor komandasının tərkibində 2015-ci ildə debüt edib. 13 yarışda start alan pilotun ən yaxşı nəticəsi Böyük Britaniya Qran Prisindəki 12-cilik olub. O, mövsümü 19-cu yerdə başa vurub.
