F-1.az bildirir ki, F1 tarixinin ən adlı-sanlı komandasının təqdimatı İtaliyanın Reccio Emiliya şəhərində bələdiyyə teatrının binasında baş tutacaq..
Skuderiyanın böyük ehtimalla SF1000 adlandıracağı maşınla titul uğrunda mübarizədə ciddi ümidlər var. Əfsanəvi Kommendatorenin oğlu və şirkətin vitse-prezidenti Pyero Ferrari Corriere dello Sport-a verdiyi müsahibədə maşının keçənilki problemlərinin təkrarlanmaması üçün tam yenidən hazırlandığını söyləyib.
Pyero Ferrari: “Builki avtomobil tam yenidən hazırlanıb. Mümkün olan hər şeyi etdik və ümid edirik ki, keçənilki problemlər təkrarlanmaz. Həqiqətən yaxşı bir iş görmüşük və biz uğur gözləyirik”.
