Britaniyanın Autosport saytının bildirdiyinə görə, mühərriyi idarəetmə blokunun proqram təminatındakı xəta Melburnda Ferrrari sürücülərinə motorun tam potensialından istifadə etməyə mane olub – sürücülər MGU-K generatorundan motora əlavə 120 kVt güc ala bilmirlərmiş.
Qaydalara görə, MGU-K maşının sürəti 100 km/saatı keçdikdən sonra aktivləşdirilə bilər – bu məhdudiyyətə FİA-nın tərtib etdiyi xüsusi proqram nəzarət edir, amma keçən yarışın ilk dövrələrində proqram xəta verib. Boksdan aldıqları əmrdən sonra sürücülər sistemi mexaniki yolla aktivləşdiriblər, ilk pit-stop zamanı isə proqram yenidən yüklənib, amma onun normal işləməsini təmin etmək mümkün olmayıb. Ona görə də Alonso və Rəykkönen düz yolda rəqiblərinə uduzublar.
Bu gün səhər proqrama düzəlişlər edilib ki, həmin problemlərin təkrarlanmasının qarşısı alınsın.
