F-1.az xəbər verir ki, ispaniyalı sürücünün uğuru fonunda oğlunun kölgədə qalması komanda sahibi Laurens Strollun xoşuna gəlməyə bilər.
Piter Vindzor: “Səudiyyə Ərəbistanında keçirilən yarışın sonunda bütün Aston Martin mexanikləri podiumun qarşısına yaşıl geyimdə toplaşmışdılar və Fernando, cənab Şarm, cənab Xarizma yaşıl Aston Martin papağında yüz milyon dollara gülümsədi. Və siz – “Ata Strollun hazırda işlərin gedişindən çox razı qalacağına əmin deyiləm”, – deyə düşünməyə bilməzdiniz. Fernando demək olar ki, bir komandadan daha çox şeyə çevrildi, ona görə də komandanın sahibi oğlunun başına nə gəldiyini düşünməli olacaq? Niyə təslim olur, niyə uduzur? Nə baş verir?
Əmin deyiləm ki, Lourens Stroll oğlunun Alonsonun kölgəsində qaldığından məmnundur. Ola bilsin ki, şişirdirəm və yəqin ki, belə bir şey olmayacaq, amma deyə bilərəm ki, Aston Martin, məsələn, Red Bull-dan tamam fərqli komandadır. Məhz Ditrix Mateşiç müxtəlif sürücüləri bir araya gətirməyi və onların mübarizəsini izləməyi, gənc sürücülərə parlamaq şansı verməyi xoşlayırdı. Aston Martin-də ata əslində oğluna Formula1 komandası alıb və indi Fernando fenomenini görərək oğlunun da eyni maşında eyni uğura imza atmasını istəyir”.
