Komandaların seçimi məxfi saxlanılır və yarışa 2 həftə qalmış mətbuata bildirilir. Ona görə də bu gün Pirelli Britaniya Qran Prisinə hər bir sürücünün etdiyi seçimi açıqlayıb.
Xatırladaq ki, təchizatçı Britaniyaya ən sərt üçlüyü gətirməyi planlaşdırırdı. Lakin İspaniya Qran Prisindən sonra sürücülərin kəskin tənqidlərinə görə qərarını yenidən nəzərdən keçirmiş və Silverstoundakı yarışa Medium, Soft və SuperSoft tərkibləri gətirəcəyini elan etmişdi.
Mercedes AMG sürücülərinin seçimi bu dəfə də fərqli olub. Ferrari sürücüləri isə əsas rəqibləri ilə müqayisədə ən yumşaq tərkibə daha çox üstünlük veriblər. Sonda qeyd edək ki, Medium və Soft tərkiblərin hər hansı birindən yarışın gedişində mütləq istifadə olunmalıdır.
| Sürücü | Komanda | Medium | Soft | SuperSoft |
| Lyuis Həmilton | Mercedes AMG | 1 | 6 | 6 |
| Valtteri Bottas | Mercedes AMG | 2 | 5 | 6 |
| Daniel Rikkardo | Red Bull | 1 | 4 | 8 |
| Maks Ferstappen | Red Bull | 1 | 4 | 8 |
| Sebastyan Fettel | Ferrari | 1 | 3 | 9 |
| Kimi Rəykkönen | Ferrari | 1 | 3 | 9 |
| Serxio Peres | Force İndia | 2 | 4 | 7 |
| Esteban Okon | Force İndia | 2 | 4 | 7 |
| Felipe Massa | Williams | 1 | 5 | 7 |
| Ləns Stroll | Williams | 1 | 5 | 7 |
| Fernando Alonso | McLaren | 1 | 2 | 10 |
| Stoffel Vandorn | McLaren | 1 | 2 | 10 |
| Karlos Sayns | Toro Rosso | 1 | 3 | 9 |
| Daniil Kvyat | Toro Rosso | 1 | 2 | 10 |
| Roman Qrojan | Haas | 2 | 4 | 7 |
| Kevin Maqnussen | Haas | 1 | 5 | 7 |
| Niko Hülkenberq | Renault | 1 | 4 | 8 |
| Colion Palmer | Renault | 1 | 4 | 8 |
| Markus Eriksson | Sauber | 1 | 5 | 7 |
| Paskal Verlyayn | Sauber | 1 | 5 | 7 |
