F-1.az xəbər verir ki, Pirelli Motorsport-un rəhbəri Pol Hembri mümkün qədər çox dövrə vurmağın vacib olduğunu düşünür: “Tras barədə xeyli maraqlı məlumatlar eşidirik. Olduqca fərqli şəhər trasına bənzəyir. Əgər bir trasa ilk dəfə gedirsizsə, işlər heç də asan olmur. Amma şərait və təkərlər hamı üçün eyni olacaq.
Bakı yarışı üçün düzgün təkər tərkiblərini seçdiyimizə inanıram. Komandalar ən yaxşı strategiyanı seçməyə çalışacaqlar. Buna görə də sərbəst yürüşlər həmişə olduğundan daha əhəmiyyətli olacaq”.
