İspaniya uik-endi ərəfəsində FİA-nın texniki xidmətləri komandaları xəbərdar etdilər ki, diffuzorun işində istifadə olunan işlənmiş qazların həcminə məhdudiyyətlər qoyulacaq, amma məsələ texniki işçi qrupun iclasına qədər təxirə salındı.
Bir qədər əvvəl Nik Haydfeldin maşınında baş vermiş yanğın FİA üçün qazburaxma sistemlərinin reqlamentinə dəqiqləşdirmə etməsinə daha bir səbəb ola bilər – yanğın qazburaxma borularında əmələ gəlib.
BBC-nin bildirdiyinə görə, Nikin maşınında termometrin göstəriciləri normadan yuxarı olub, amma komanda onu trasa buraxıb.
Nik Haydfeld: “Mənim bəxtim gətirmədi. Maşın birdən od tutdu və mən dayanmalı oldum. Çox güman ki, problemlər qazburaxma sistemində yarandı, amma biz hələ dəqiq bilmirik.”
Bu sözləri Nik hadisədən bir neçə dəqiqə sonra Twitter-dəki öz bloqunda qeyd edib, amma bir müddət sonra bu yazı bloqdan silinib…
