Bu gün Xeres testlərində Lotus Renault GP komandasının heyətində Nik Haydfeld debüt edib – komanda alman sürücünü zədələnmiş Robert Kubitsanın yerinə namizəd kimi nəzərdən keçirir.
Təcrübəli alman sürücü sessiyay inamla başlayıb, nahardan əvvəl Nik qısa dövrələr seriyasında işləyib və tezliklə komandanın digər sürücüsü Vitaliy Petrovun dünənki nəticəsini yarım saniyə yaxşılaşdırıb. Nahardan sonra isə alman sürücü protokollara başçılıq edir – onun göstərdiyi nəticə dünən birinci olmuş Mixael Şumaherin nəticəsindən cəmi 0.009 saniyə geri qalır. Testlər hələ davam edir…
