Bu gün səhər sərbəst yürüşlərdə Nik Haydfeld qəzaya uğrayıb, 12-ci döngədə alman sürücü maşını trasda saxlaya bilmıyib və trasdan çıxaraq böyük sürətlə qoruyucu baryerlərə çırpılıb. Nik boksa qayıdıb, maşını isə mexaniklərə çatdırıblar, onlar qısa müddət ərzində dağılmış qabaq asılqanları bərpa etməklə maşını sıralanma turuna trasa qaytarmalıdırlar…
Nik Haydfeld: “Mən döngəyə çox sürətlə girdim, trasdan çıxdım və baryerə çırpıldım. Xoşbəxtlikdən zərbə güclü alınmadı, amma maşının qabaq hissəsi dağıldı. Ümid edirəm ki, qalan vaxt ərzində mexaniklər onu sıralanma turuna bərpa edə biləcəklər.”
