Amma 2008-ci ilin Sinqapur QP-də baş qəhrəmanlarından olduğu qəza qalmaqalına görə (krəşqeyt) F1-dən uzaqlaşmışdı.
F-1.az bildirir ki, Nelsinyo bu hadisədən sonra etibarını itirib və bəxtini Nascar, Rallycross və Formula E seriyalarında sınayıb. Braziliyalı sürücü 2015-ci ildə Formula E seriyası üzrə Dünya Çempionu titulunu qazanıb.
Keçmiş F1 sürücüsü bildirib ki, o, hələ də Formula1-dəki missiyasını bitirməyib, amma eyni zamanda bunun mümkün olmayacağını bildirib: “Yanlış vaxtda yanlış yerdə idim, amma olanlar oldu. Əlimizdən heç nə gəlmir.
Formula1 karyeram barədə realist olacam. Bütün sürücülər istəyər ki, onlar güclü komandada yarışsın və qazansınlar. Mən başqalarının 5-6 il ərzində etdiyini bir il ərzində etdim və podiuma çıxdım.
Karyeramı Formula E-də davam etdirirəm və F1-ə qayıtmaq istəmirəm.
Formula1-də cəmi 6 sürücü maaş və sponsorlarının hesabına yarışır, qalanları çempionatda olmaq üçün pul ödəyirlər. Mən öz karyeramdan razıyam. Formula E-də mübarizə aparıram və Formula1 barədə heç nə düşünmürəm”.
