F-1.az xatırladır ki, Lauda əvvəlki açıqlamalarında bildirmişdi ki, Həmilton komandada Bottasdan daha sürətlidir.
Niki Lauda: “Valtteri komandaya yaxşı uyğunlaşdı və təsiredici işlər gördü. O finlandiyalıdır və buna görə də çox az danışır. Amma çox işləyir və biz buna öyrəşmişik.
Lyuis ilə Valtteri bir-birini təzə tanıyırlar və buna görə də aralarında problemin olmaması normaldır. Ümid edirəm ki, mövsüm ərzində vəziyyət stabil qalar. Həmilton burada 5-ci mövsümünə başlayacaq. Valtteri isə hələ də uyğunlaşma və öyrənmə müddətindədir. Görək yeni mövsümdə nə olur”.
