F-1.az xatırladır ki, almaniyalı sürücü testlərin ilk günündə nahar fasiləsinə qədər lider Daniel Rikkardodan cəmi 0.4 saniyə geri qalıb.
Nahardan sonra yerini komanda yoldaşı Karlos Saynsa verən Niko bu müddət ərzində 73 dövrə vura bilib.
Niko Hülkenberq: “Düzünü desəm, ilk təəssüratlarım müsbətdir. Xüsusən də, nahara qədər olan hissə bir il əvvəlkindən çox fərqli idi. Çox inkişaf etmişik. Bolid əla işlədi. Etibarlı idi və nəzərdə tutulan proqramı tam yerinə yetirdik. Belə olacağını gözləmirdik. Buna görə də əla iş görmüşük.
Trasa çıxan kimi özümü əla hiss etdim. Burada trasdakı yeni asfalt qatı da vacib rol oynadı. Yer daha düz olduğu üçün ilişmə çox idi.
Komanda çox inkişaf etdi. Enstounda işçilərin sayı da artdı. Hər sahəyə sərmayə qoyulub və bu, əladır. İnkişafımız göz qabağındadır”.
