Yağış. Buludlu. Havanın temperaturu +14°-15° C, trasın temperaturu +20°-23° C

Nahardan sonra trasın vəziyyəti yaxşılaşıb və komandalar dərhal işə başlayıblar, amma sürücülərin hamısı Soft təkərlərin gec qızmasından gileyləniblər. Hərçənd, sliklərlə iş uzun sürməyib.

Birinci sessiyada qəza baş verməsə də, ikinci sessiyanın 13-cü dəqiqəsində qırmızı bayraqlar dalğalanıb – şikananın qarşısında əylənmə zonasında Roberto Mehri baryerlərə toxunub. Sürücüyə heç nə olmayıb, marşallar Manor maşınını təxliyyə ediblər, sessiyaya restart verilib, amma yağış yağmağa başlayıb.

Qırmızı bayraqlara qədər Markus Eriksondan başqa hamı trasda görünmüşdü – isveçli sürücünün maşınında güc qurğusu ilə problemlər üzə çıxıb. Protokollara Lyuis Həmilton başçılıq edib – 1:17.192.

Tribunalarda çətirlər açılıb və Lotus hamını təəccübləndirib – Maldonado trasa sliklərlə çıxıb: venesuelalı sürücü qəzadan güclə qurtulub və çox yavaş sürətlə boksa qayıdıb.

Komandalar vəziyyətin yaxşılaşmasını gözləyiblər, şənbə və bazar günləri yağış gözlənilmir, ona görə də bu şəraitdə işləməyin mənası olmayıb, Monakoda qəzanın ehtimalı isə olduqca böyükdür.

Sessiyanın sonuna yaxın yağış dayanıb, son 10 dəqiqədə sürücülər trasa yağış və keçid təkərlərlə çıxıblar, amma protokollarda heç kimin mövqeyi dəyişməyib. F-1.az xatırladır ki, növbəti dəfə komandalar trasa şənbə günü çıxacaqlar…

Nəticələr belə olub:

Quru. Günəşli. Havanın temperaturu +23°-24° C, trasın temperaturu +39°-43° C

Nahardan sonra tarsın vəziyyəti yaxşılaşıb, buludsuz səma altında asfalt örtüyü +43 dərəcəyədək qızıb – bəzi komandalar SuperSoft tərkibinin bu istiliyə dözməsinə çübhələniblər, ona görə də təkərləri, əyləcləri qızmadan qorumağa çalışıblar: düz uzun yolların olmaması üzündən bunlar soyuya bilmirlər.

Mövsümün ilk beş yarışında təkərlərin yeyilməsi həlledici faktor olub, ona görə də Monakoda komandalar təkər tərkiblərinin effektliyini qiymətləndirmək üzərində çalışıblar. Nəzərə almaq lazımdır ki, ən yumşaq təkər cütlüyü bu il hələ istifadə olunmayıb.

Sebastyan Fettel KERS problemləri üzündən sessiyanın ilk yarısını boksda keçirməli olub. Roman Qrojan isə sessiyanın ikinci yarısını boksda keçirib – fransalı sürücü St.Devote döngəsində qəzaya uğrayıb. Onun qəzasından 6 dəqiqə sonra sessiya bir daha qırmızı bayraqlarla dayandırılıb – 13-cü döngədə porebrikin bərkidilməsi pozulub, qısa təmirdən sonra sessiya davam olunub.

Protokollara səhər olduğu kimi Rosberq başçılıq edib – 1:14.759, ən böyük məsafəni isə bu dəfə onun komanda yoldaşı Həmilton qət edib – 50 dövrə. Sabah sürücülər istirahət edəcəklər, şənbə günü isə trasa qayıdacaqlar.

Nəticələr belə olub:

Buludlu. Sessiyanın ortasından kiçik yağış. Havanın temperaturu +23°-22° C, trasın temperaturu +30°-26° C

Nahardan sonra hava korlanıb, səmanın üzünü qara buludlar tutub və sürücülər trasa tələsiblər.

Sürücülər Soft təkərlərlə bir neçə seriya ediblər, bəziləri hətta SuperSoft-u da yoxlaya biliblər – o cümlədən, protokollara başçılıq etmiş Censon Batton. Amma onun dövrəsindən sonra trasa yağış damcılamağa başlayıb və sürücülər vəziyyətin yaxşılaşmasını gözləməli olublar.

Yağış güclü olmasa da, sessiyanın sonuna qədər kiçik fasilələrlə yağıb. Sürücülər trasa keçid təkərlərlə çıxmalı olublar.

Tras çox sürüşkən olub, maşınların çoxu təhlükəsizlik zonalarına çıxıb. Heykki Kovalaynen bu dəfə də sessiyanı vaxtından əvvəl başa vurub.

Nəticələr belə olub:

Quru. Günəşli. Havanın temperaturu +26° C, trasın temperaturu +44° C

Nahardan sonra sürücülər mövsümdə ilk dəfə olaraq Pirelli-nin qırmızı SuperSoft təkərlərini yoxlayıblar. İki sessiya arasında dəstək yarışlarının məşqləri keçib, asfaltın vəziyyəti yaxşılaşıb və komandalar hər iki təkər tərkibinin effektliyini yoxlaya biliblər.

Yenə də insidentsiz ötüşməyib – Pastor Maldonado, Xayme Algersuari, Heykki Kovalaynen və Timo Qlok birinci döngədə trasdan çıxıblar. Pol di Resta tunelin çıxışında maşını saxlayıb, elə burda Vitaliy Petrov da əylənmə ilə gecikib. Vitantonio Liutsi isə trasa, ümumiyyətlə, çıxmayıb.

Gözlənildiyi kimi, SuperSoft tərkibi çox sürətli olub, protokollara isə bu dəfə Fernando Alonso başçılıq edib.

Sabah ənənəvi olaraq Formula1 Monakoda fasilə elan edir, sürücülər trasa şənbə günü səhər qayıdacaqlar…

Nəticələr belə olub: