Qurumaqda olan tras. Buludlu. Havanın temperaturu +14°-16° C, trasın temperaturu +16°-19° C

Gecə Monakoda yağış yağıb, amma birinci sərsbəst yürüşlərin əvvəlinə asfalt quruyub – sürücülər ilk dövrəyə keçid təkərlərlə çıxsalar da, tezliklə slik təkərlərlə trasa qayıdıblar. Həmişə olduğu kimi, cümə axşamı trasın vəziyyəti yaxşı olmayıb, sürücülər Soft təkərlərin, xüsusən də ön təkərlərin gec qızmasından gileyləniblər.

Censon Battonun maşını uzun müddət boksa sökülmüş vəziyyətdə qalıb – enerji toplayıcısını və elektron idarəetmə blokunu dəyişmək lazım olub, britaniyalı sürücü sessiyanın ikinci yarısında trasa çıxa bilib.

Mercedes AMG sürücüləri elə ilk dövrələrdən yüksək sürət nümayiş etdiriblər, digər sürücülər yalnız sessiyanın sonunda sürətə işləməyə başlayıblar, son nəticədə isə Mercedes AMG sürücülərini 7 sürücü ayırıb.

Ən yaxşı nəticəni Həmilton göstərib – 1:18.750, ən çox məsafəni də Lyuis qət edib. F-1.az xatırladır ki, nahardan sonra məşqlər davam edəcək…

Nəticələr belə olub:

Quru. Günəşli. Havanın temperaturu +23°-24° C, trasın temperaturu +29°-31° C

Monakoda ilk sərbəst yürüşlər sakit keçib – ilk yarım saat sürücülər boksdan çıxmayıblar, yalnız sessiyanın ikinci yarısında komandalar işə başlayıblar. Trasın vəziyyəti yaxşı olmayıb – səhər yalnız Renault 3.5 Formulasının məşqləri keçib və qəza üzndən yarımçıq dayandırılıb, ona görə də sürücülər tədricən sürətlərini artırıblar.

Baryerlərlə təmas və təhlükəsizlik zonalarına çıxmaqdan yaxa qurtarmaq mümkün olmayıb, Sutil St.Devote döngəsində fırlanıb, amma ciddi insident yaşanmayıb. Protokollara isə Niko Rosberq başçılıq edib – 1:16.195, ən böyük məsafəni də Niko qət edib – 30 dövrə.

Nəticələr belə olub:

Quru. Günəşli. Havanın temperaturu +22°-23° C, trasın temperaturu +28°-33° C

Formula1 sürücülərindən əvvəl Monte Karlonun küçələrinə yalnız Renault Dünya seriyasının sürücüləri çıxmışdıalr, ona görə də asfalt yaxşı vəziyyətdə deyildi, sürücülər bir dövrə vuraraq boksa qayıdıblar. Yalnız bir saatdan sonra trasda aktiv iş başlayıb.

Komandalar Monako Qran Prisinə antiqanadların bir neçə variantını hazırlayıblar ki, asfalta yatma qüvvəsinin maksimum səviyyəsinə nail olsunlar. Mühəndislər asılqanların sazlanması üzərində də işləyiblər – təkərlərin effektliyinin qiymətləndirilməsi nahardan sonraya saxlanılıb.

Lotus komandası Kimi Rəykkönenin maşını üzərində gərgin işləyib – yeganə dövrəsinə finlandiyalı sürücü maşının sükan sistemindən narazı qalıb və mexaniklər bütün ssitemi yenidən quraşdırmalı olublar, ona görə də Kimi bir daha trasa çıxamyıb.

Bir çox sürücülər təkərləri bloka salıblar, amma ciddi insident yaşanmayıb. Felipe Massa yüngülcə baryerlərə toxunub, Mixael Şumaher isə ön antiqanadı zədələyib. Sessiyanın sonuna on dəqiqə qalmış Heykki Kovalaynenin maşınında motor yanıb.

Protokollara Fernando Alonso başçılıq edib – ilk onluq 1 saniyəyə yerləşib…

Nəticələr belə olub:

Quru. Günəşli. Havanın temperaturu +26° C, trasın temperaturu +39° C

Mövsümdə ilk dəfə Pirelli komandalara SuperSoft tərkibini təqdim edib, amma nahardan əvvəl komandalar yalnız Soft tərkibi ilə işləyiblər. Tras ənənəvi olaraq yaxşı vəziyyətdə olmayıb və tədricən işlənmiş rezinlə örtülüb.

Toro Rosso-nun ehtiyat sürücüsü Daniel Rikkardo Xayme Algersuarini əvəz edib – avstraliyalı sürücü səhər Dünya Renault Seriyasının sərbəst yürüşlərində liderlik edib, sonra isə STR6-nın sükanı arxasına keçib. Digər komandalar isə əsas sürücüləri işləyiblər – knyazlığın küçəlrində qurulmuş trasın hər bir dövrəsi böyük əhəmiyyət kəsb edə bilər.

Sessiyanın ortasına yaxın qırmızı bayraqlar dalğalanıb – start düzlüyündə şəhər su sistemindəki nasazlıq üzündən gğlməçə yaranıb və marşallar işə qarışıblar. Kiçik təmirdən sonra sessiya canlanıb – Vitantonio Liutsi tunelin çıxışında, Mixael Şumaher isə birinci döngədə trasdan çıxıblar.

Protokollara isə Sebastyan Fettel başçılıq edib, almaniyalı sürücü son cəhdində Fernando Alonsonu üstələyib. Mark Uebberin maşınında problemlər yaşandığı üçün avstraliyalı sürücü heç bir nəticə göstərməyib…

Nəticələr belə olub: